काठमाडौं / नेकपा (एमाले) को ११औँ महाधिवेशनमा नेतृत्व चयनका लागि दुई बलिया प्यानलबीच प्रतिस्पर्धा हुने भएको छ। अध्यक्ष पदमा वर्तमान अध्यक्ष केपी शर्मा ओली र वरिष्ठ नेता ईश्वर पोखरेल अलग–अलग प्यानलसहित मैदानमा उत्रिएका छन्।
केपी शर्मा ओली प्यानल ओली प्यानलबाट उपाध्यक्षमा रामबहादुर थापा, विष्णु प्रसाद पौडेल, पृथ्वी सुब्बा गुरुङ र गुरु बराल रहेका छन्। महासचिवमा शंकर पोखरेल उम्मेदवार छन्। उपमहासचिवमा विष्णु रिमाल, खड्गवीर महतरा र लेखराज भट्ट छन्। सचिव पदका लागि शेरधन राई, हिक्मत काकी, भानुभक्त ढकाल, डा. राजन भट्टराई, खगराज अधिकारी, पद्माकुमारी अर्याल, यमलाल कँडेल, छविलाल विश्वकर्मा र महेश बस्नेतको उम्मेदवारी रहेको छ।
ईश्वर पोखरेल प्यानल पोखरेल प्यानलबाट उपाध्यक्षमा गोकर्ण विष्ट, विद्या पाण्डे, परशुराम मेची गुरुङ र अर्चना नेपाल रहेका छन्। महासचिवमा सुरेन्द्र पाण्डे उम्मेदवार छन्। उपमहासचिवमा योगेश भट्टराई, बैजनाथ चौधरी र आनन्द पोखरेल छन्। सचिवमा विनोद ढकाल, कर्णबहादुर थापा, गोकुल बास्कोटा, रचना खड्का, कृष्णगोपाल श्रेष्ठ, ठाकुर गैरे र पुरुषोत्तम पौडेल उम्मेदवार बनेका छन्।
महाधिवेशनमा नीति, नेतृत्व र संगठनात्मक दिशाबारे फरक दृष्टिकोण प्रस्तुत गर्दै दुवै प्यानलले आ–आफ्नो शक्ति प्रदर्शन गरिरहेका छन्। मतदानमार्फत नयाँ नेतृत्व चयन हुने तय भएको छ।
