-लाेक लामा,काभ्रे
तिमीले खनेको गोरेटोहरुमा
अझै जुनकिरीजस्ता मान्छेहरु हिँडिरहेछन्
तिमीले बोलेको आवाजहरुमा
अझै बतासजस्ता आवाजहरु मिस्सिरहेछन्
तिमीले कोरेको गीतहरुमा
अझै ज्युँदो संगीतहरु भरिइरहेछन्
तिम्रो रगत र पसिनाले सिंचिएको यो भूमिमा
अझै नयाँनयाँ पालुवाहरु पलाइरहेछन्
बिगतमा के भो के भो नरुनु कठै
अतितका ती खतरा लाई नछुनु कठै ।
हो माया नै सब हो दुनियाँमा
मानले सदा पुज्नुपर्छ नभुल्नु कठै ।
