– अर्पण उत्कर्ष
फागुन १
आवाज दबिएकाहरुले चिच्याउदै
नारा लगाउदै गाउँ शहर गुन्जमान बनाएको दिन ।
चुलो बाट अगुल्टो झिकेर महिलाहरुले
बिद्रोहको मसाल बोकेको दिन ।
हंसिया उध्याउदै सामन्ती खुनिबाजहरुको
घाँटी छिमोल्न युवाहरु तम्तयार भएको दिन ।
मान्छेले म पनि मान्छे हुँ भन्दै बिभेदको
पर्खाल भत्काउदै समानताको गीत गाएको दिन ।
अधिकारकै लागि निधारमा कफन बाँधेर आँगोको
भुङरोमा जीवन समर्पित गरेको दिन ।
एउटा लामो जटिल भिमकाय पहाडको
हजारौ माइल लामो बाटो सफर गरेको दिन ,
महान जनयुद्धको ऎतिहासिक थलानी गरेको दिन
फाल्गुन १ यहाँहरु सबैजनालाई रक्तिम शुभकामना ।
वीर सहिदहरु लाल सलाम !
