Advertisements
“मलाई तिमी रिसाएकै मन पर्छ”
• अर्चना अस्तानी मगर
जब म तिमीलाई धेरै माया गर्छु
तब म तिमीमाथि शङ्का पनि गर्छु
तिमी सही छौ भने तिमी रिसाउनेछौ
त्यसैले त मलाई तिमी रिसाएकै मन पर्छ
माया माया नै हो,
त्यहाँ सम्बन्धहरूको कुनै डोब हुँदैन
केवल मबाट टाढा भयौ कि
भन्ने डरले बेला-बेला
शङ्काको दृष्टिले हेर्दा तिमी रिसाउनेछौ
त्यसैले त मलाई तिमी रिसाएकै मन पर्छ।
तिमी मलाई पनि बेला-बेला शङ्का गरेर रिसाऊ
त्यतिबेला मायाले भरिएका आँखा देख्न पाऊँ
त्यतिबेला तिम्रो वास्तविक मायाको आभास गर्न पाऊँ
त्यसैले त मलाई तिमी रिसाएकै मन पर्छ!
