• लाेक लामा
शीर्षक : रातो कार्पेटको मूल्य
रातो कार्पेट बिछिँदैमा
देशको बाटो फराकिलो हुँदैन
फूलका गुच्छाले
माटोको सुगन्ध किन्न सक्दैन
बाजागाजा धेरै बज्यो भने पनि
इतिहासको आवाज दबिँदैन
सत्ताको सिंहासन चढेर
राष्ट्रको आत्मा बेच्न मिल्दैन
आज ताली बजाउने हातहरू
भोलि फर्केर नआउन पनि सक्छन्
तर देशको पीडा
पुस्तौँसम्म बोलिरहन्छ
दुखिरहन्छ
जो आफ्नो भूमिभन्दा
पराइ इच्छाको पक्षमा उभिन्छ
उसलाई क्षणिक सम्मान मिल्ला
तर इतिहासले प्रश्नचिह्न बनाइरहन्छ
देशभन्दा ठूलो पद हुँदैन
राष्ट्रभन्दा ठूलो नेता हुँदैन
माटोको मूल्य बुझेन भने
रातो कार्पेटको अन्त्य
एउटा झुत्रो रुमालमै हुन्छ
याे कबितालाई मिल्ने राताे कार्पेट तर्बिर दिनुस
