भरत प्रसाद घिमिरे
“पसिना र रगतकाे ईतिहास बिर्सदै, लाेकप्रियतावादमा भुलिएकाे पुस्ता।”
थोत्रो भोटो र लगौंटीको भरमा
खोरिया फाँड्दै फाँड्दै तिम्रो घरजम बसाएको इतिहास के थाहा
लोकप्रियतावादको पछि लाग्दै कुद्ने ति छोराछोरीलाई ।
आधापेट गुन्द्रुक र ढिडोको भरमा
आफ्ना छोराछोरीको सुन्दर भविष्यकालागि
पसिनाले चुर्लुम्म शरिरिर भिजाउदै
हातमा ठेला उठाउने बा को कथा के थाहा
लोकप्रियतावादको पछि लाग्दै कुद्ने ति छोराछोरीलाई ।
पंक्षि जस्तै खुल्ला आकाशमा
स्वतन्त्रता पूर्वक तिमीलाई सयर गर्न
र
मेरा विरुद्ध हुंकार गर्न सक्ने बनाउन
मैले बगाएको रगतको महत्त्व नबुझी
लोकप्रियतावादको लहैलहैमा
तिमी दगुर्छौ भने
मैले भन्नु केही छैन नानीबाबु मैले भन्नु केही छैन ।
