काठमाडौँ, २० असार। हाल देशभर मनसुनी वायुको प्रभाव रहेको र मनसुनको न्यून चापीय रेखा औसत स्थानको आसपास रहेकाले आज (शुक्रबार) देशभर बदली हुने जल तथा मौसम पूर्वानुमान महाशाखाले जनाएको छ।
आज दिउँसोको मौसम:
महाशाखाका अनुसार दिउँसो कोशी, बागमती, गण्डकी र लुम्बिनी प्रदेशका धेरैजसो स्थानमा र अन्य प्रदेशका केही स्थानमा मेघगर्जन र चट्याङसहित हल्कादेखि मध्यम वर्षाको सम्भावना छ। विशेषगरी, कोशी, बागमती, गण्डकी र लुम्बिनी प्रदेशका एक–दुई ठाउँमा भने भारी वर्षा हुन सक्नेछ। यसैगरी, देशका उच्च पहाडी र हिमाली क्षेत्रका केही स्थानमा हल्कादेखि मध्यम वर्षाका साथै हिमपातको पनि सम्भावना रहेको छ।
आज रातिको मौसम:
आज राति देशभर आंशिकदेखि सामान्य बदली रहनेछ। कोशी, बागमती र गण्डकी प्रदेशका केही स्थानमा र अन्य प्रदेशका एक–दुई स्थानमा मेघगर्जन र चट्याङसहित हल्कादेखि मध्यम वर्षाको सम्भावना छ। राति पनि कोशी, बागमती र गण्डकी प्रदेशका एक–दुई स्थानमा भारी वर्षाको सम्भावना रहेको महाशाखाले बताएको छ। साथै, देशका उच्च पहाडी तथा हिमाली भागका केही स्थानमा हल्कादेखि मध्यम वर्षा र हिमपातको सम्भावना यथावत रहनेछ।
मनसुनी गतिविधि सक्रिय रहेकाले यात्रा गर्दा वा बाहिर निस्कँदा सावधानी अपनाउनु होला।
